想一路行一路寫吓啲嘢俾你

今早十一時四十七分，麥金塔診所打電話給我說可以帶部機走，我便提早放工（又是一個完美的藉口）。上了診所,又與當日serve我的姐姐幫我，因為我沒有帶「認頜孤雛出院書」,故我也簽了一份「確認冇帶認頜孤雛出院書」才可與君相見‥‥
相見後心裡想著「佢哋有冇做嘢」的感覺去check check 部機，因為實在太快了！（不需三天就話OK?）但是由於,要check有冇事並不是在那裡可以立刻知曉，故我check check 吓都算‥返屋企至慢慢check。
那位serve我的小姐非常好，我也聽了她的話買了一個iPod專用的「叉電器」（多謝$220!)，但她再次sale我買這個Applecare ，我不太好意示地說：「我冇乜錢‥」的時候，她回應：「我就是喜歡你這些老實的人。」之後便再沒提Applecare喇。
我帶了「佢」返家，而我也終於給「佢」也起了一個名字，「佢」叫做 程亮，好過叫田亮。

當然 ，「佢」仍然姓「麥」。
[inside photo by tvb.com]

點解冇？因為我多手，把我帶回來了只差不多一個月的「小白書」弄壞。它讀碟的時候只讀頭段，不記尾部，叫佢默書，它卻「臨尾香」！怎樣也不能記下來。就算記得的卻有錯字，把娜姐在演唱會中唱到「跳線」！？雖然佢同我的「性格」有點相似，但我也帶佢出屋企，去見見醫生。
今天我先帶回公司，同事們得知它的出現也叫我給他們見面一下，可能他們見得多，但身邊領養它的人少之又少。另，他們也不太知道macbook究竟有幾好用，還是只有「型」。
下班之後，我帶它到銅鑼灣的診所（所有麥金塔的診所都在港島那邊，奇怪！），近franc franc那邊，上了17樓，拿了一個36A的籌，不需五分鐘，就有人serve我。
「你部機有乜事？」
「係……喇。」
（之前講過，不再提）
「你有冇參加咗個AppleCare Protection Plan？」
「暫時冇，遲啲我會 join…嫁喇。」
（要＄1860!!!!，點 join 呀?）
「點解你唔買mac pro呀，我覺得快啲…」
「是嗎？我也想過……我想下次先啦…」
（幾錢呀老細？）
「點解唔買黑色呀，襟污糟啲…」
「不過我鍾意白色，型啲…」
「襟污糟啲喎…」
「ok喇，你等我哋電話…」
「係咪最多只係兩個星期，過咗就打電話？」
「係呀，不過通常都好快，只係睇吓倉有冇貨。」 
「之後我就冇機用喇……」
「你咪用desktop囉」
「係，不過要同阿媽爭……」 
「……」
我現在都係用屋企部windows寫blog….. 

[我想為他改一個新名，「白書」不太好，有「白白輸掉」之意，不吉利。但只叫「小白」卻嫌太Cute，與主人（即本人）不合襯。頭痛。]